You Made My Life

  you made my day

كلمة كتير بنكتبها لما نقضي يوم حلو مع حد بنحبه او مثلا حد يجيبلنا هدية حلوة في وقت غير متوقع او حد يجيبلك ورده جميله فتحس ان الدنيا بتضحكلك 

بس انا مش هقول كده انا هقول 

you made my life 

اقولها لاغلي اتنين علي قلبي الي حياتي من غيرهم ولا ليها اي معني 
الي ضحكتهم دي سر سعادتي 
اكتر اتنين في الدنيا متاكده من حبهم ليا ... اكتر اتنين ساعدوني .. اكتر اتنين لو حسيت اني مخنوقة اجري عليهم اول ناس ....احلي اتنين في الدنيا كلها 

هي بسمة او بوسي عشان بتزعل احلي حاجة في حياتي 
من يوم ما وعيت علي الدنيا وهي جنبي من يوم ولادتي لحد انهارده
مفيش حاجة في الدنيا قدرت تبعدها او تشغلها عني حتي بعد لما اتجوزت 
مفتكرش اننا اتخاصمنا في مرة اكتر من خمس دقايق مفتكرش اني في مرة قلبي طاوعني اني ازعل منها يعني اتعصبنا علي بعض مرتين تلاته كده وقت زهق 

من يوم ما فهمت الدنيا وهي حضنها هو ادفي حضن مخزن اسراري 
مع اني مليش اسرار كتير
عملنا بلاوي ومصايب مع بعض وكنا ستر وغطا علي بعض 
اليوم الي منمش فيه في حضنها ميبقاش نوم 
لما بصحي من النوم بتكون هي اول حاجة اشوفها واقعد العب في شعرها 
لحد ما ارخم عليها واصحيها .

الوحيده الي حسيت اني ممكن اضحي بكل حاجة في حياتي عشانها مكنتش اقدر ارفضلها طلب 
وكنت بحب اوي لما انفلذلها حاجة هي كانت بتتمناها في وقت هي متتوقعهوش 
عشان اشوف نظرة الفرحة في عينيها 

لما بخرج بنتكلم علي الموبايل طووول ما انا بره في محاضرة ا
و كورس او في وقت فراغ بين الكورسات 
لما بتخرج هي ساعة مثلا بتصل بيها بال 20 مرة لحد ما ازهقها 
بقلق عليها من الهوا الطاير وبغير عليها من كل الناس 
ومبحبهاش تعمل حاجة الا وانا فيها 

محبتش ان يبقي ليها اصحاب عشان مياخدوهاش مني 
عارفة اني انانيه بس الحب بيعمل اكتر من كده 
كنا بنقسم الفرح والزعل ولما تحصل مشكله نقعد نندب عليها 
وبعدها نتفتح في الضحك ونقعد نهييس

اتبسط اول لما لقت نصها التاني واتبسط اكتر لما طلع واحد من احلي الشخصيات 
الي قابلتها في حياتي 
يوم خطوبتها نسيت ان انا المفروض احضر حاجة البسها 
ولبست اي حاجة ده بس لاني كنت مشغوله انها تطلع احلي عروسة
ويوم كتب الكتاب كان ليله عشان نظبط فستانها وكالعاده نسيت نفسي 
ونسيت اشوف هلبس ايه 

في كل خروجاتها في فترة الخطوبة وحتي الان كابسة علي نفسها 
اصلا هي مبتتبسطش من غيري :D 
يوم فرحها كان اسعد ايام حياتي اول يوم ابقي  فيه حلوة كده 
كنت مبسوطة بجد كنت عامله شبة العسكري الي ماشي يراقب الموقف
كنت امها اليوم ده عيني مكنتش بتبص علي حد غيرها مسلمتش 
علي حد اليوم ده خالص مكنتش فاضية لاي حد 

يومها مكنتش عاوزاها تسيبنا وتعبت كتير لما سابتني احن قلب في الدنيا 
واغلي واحده في حياتي 
بعد لما اتجوزت متشغلتش عني زي ما كانو بيقولولي كانت بتراعيني 
في كل وقت وبتطمن عليا علي طول وكنت معاها معظم الوقت 
بيتها هو بيتي وبرتاح فيه اكتر من بيتي كمان محسستنيش باي فرق 
بين قبل ما تتجوز وبعد لما اتجوزت غير انها 

 كانت السبب في دخول فرد زي العسل عيلتنا 

نتكلم عن الفرد الجديد الي دخل عيلتنا احن اخ في الدنيا واخف دم شفته 
دخل حياتنا ازاي لحد دلوقتي معرفش :D 
بس كانت من احسن الحاجات الي حصلت 

حنين اوييي وطيب وبيحبني وانا عارفة ده وانا حبيته وبقالي اخ حقيقي 
لما ببقي مضايقة بتكلم معاه بيسمعني وبيوجهني وبحس في كلامه 
انه فاهمني اكتر من نفسي 
بيخمن انا مضايقة من ايه قبل لما اقول بحكيله كل حاجة بتحصل معاايا 
من يوم ما شفته للنهارده وكل اسراري معاه

بيخاف عليا ودي حاجة مفرحاني يمكن عشان اخويا الكبير اتجوز 
وبحكم بيته اتشغل عننا 
بضايق اوي لو اضايق وبفرح اوي لما بيفرح ويضحك كده 
من يوم ما شفته محسيتوش غريب بيدخل القلب بسرعة 

انا اصغر منه باربع سنين بس ..بس دايما حاسه اني طفله قدامه 
هو بيبقي رخم شوية لما بيبقي مضايق بيبقي مش عاوز يتكلم 
واحياانا بيتعصب بس عادي اخويا بقي وانا لازم استحمله 
عمري ما زعلت منه ابدا ولا عمري هزعل منه في يوم من الايام ان شاء الله 

قالي كلمة زعلتني شوية "لما يجي حبيبك مش هتعبرينا"
 لا مش عارف ان مهما كان الانسان الي هرتبط بيه غالي 
عمره ما هيكون اغلي منهم خطيبي ولا حبيبي والي ما يتسمي الي جاي 
لازم يفهم قبل ما يجي ان دول بره حسابات الغيره 
والكلام ده دول حياتي واخواتي والي معاهم عشت احلي ايام والي عمري ما هنسسي فضلهم عليا ولا هنسي خوفهم عليا 

والي مش عاجبه لا مؤاخذه الباب مفتوح 

مش عارفة انا حاسه اني اتهبلت شوية بس يمكن عشان مزاجي رايق 
والله الكلام الي انا كاتباه ده ما يجي واحد من مليون من الي في قلبي لييكو يا اغلي حاجة في حياتي  

Thanx my love you really made my life 

ساعة روقان

 "وحاسة بجد انا وانت بنبني حياة "

في قمة الروقان كما يقولون لست معتاده علي سماع الاغاني 
 منذ فترة طويله من الزمن فهي تبعث علي نفسي الكابة 

اما تلك الاغنيه فقد ارتبطت معي باحلي لحظات حياتي حين امسك 
بيدها وبدات الرقصة المفضله في كل فرح رقصة slow 

اعجبتني كلمات الاغنيه عندما اسمعها يحضرني المنظر 
حيث يتمايلان سويا يضمها تارة ويتهامسان الاخري كانت 
لحظات جميله رقص قلبي لها فرحا 

 لا اظن اني سافرح يوم فرحي كما فرحت يوم فرحهما 

انا اشعر اني لست علي الارض اليوم كان رائعا حقا بدأ بالاستيقاظ 
علي صوت الطفل الاكثر جاذبية مهند 

ثم مقابلة شخصية من اجمل الشخصيات التي قابلتها في حياتها 

بنوتة بمعني الكلمة احببتها برغم اننا لم نتعرف الا قبل عده اشهر 
ولكني اشعر  انها بالفعل اختي اعرفها من سنين ولكن لم نتعرف عن قرب 

الا قبل وقت قصير ولكن كان هذا الوقت كافيا حتي نتعرف علي بعض 
وتبدا بيننا صداقة واخوة اتمني ان لا تنتهي 

هي نور وهي بالفعل نور يضئ الحياه نتحدث بالساعات ولا نشبع 
احس معها ان الوقت يمضي بسرعة كبيرة 

بعد ان انهينا لقاءنا  لم اتخيل ان ثلاثة ساعات واكثر 
قد مضت حقا الاوقات الجميله تمضي مسرعة 

بعدها كعادتي ذهبت الي احب اخوة في العالم لنقضي وقتا جميلا 

عاده ما اعود بمزاج عال ولكن ليس بهذه الصورة اليوم مزاجي غريب 

احلام اليقظة تتملكني اشعر اني لست فقط في احلام 
بداخلي يقين ان كل ما احلم به سيتحقق 

في يوم ما ساكون ناجحة واحقق هدفي واثبت نفسي في المجال الذي احبه .

   
     وفي ما يوم سياتي ذلك الفارس الذي انتظره وسيبدا حبنا بنظرة وينتهي بدبله كما 
حلمت .

    وفي يوم ما ستكون خطبتي ويكون الجميع حولي فرحون من اجلي واكون انا عروس كما حلمت .

     
     وفي يوم ما ساعيش تلك القصص التي ترويها المخطوبات ممن اعرف قصص الرومانسيه والكلام الجميل .

      وفي يوم ما ساقلب في هاتفي لاجد رسائله وكلامه الذي يخرج من قلبه            
ليدخل الي قلبي .

وفي يوم ما ساجد امامي البوم صور ملئ بلحظاتنا الجميله معا.               

وفي يوم ما ساجد نفسي منهكة جداا من تجهيزات الشقة والعفش والذي منه    
ويهون تعبي عندما اتذكر اني ساكون مع من احب الي الابد .

وفي يوم ما ساجدهم يحددون يوما ليكتبو الكتاب واجد نفسي امام اجمل سؤال ... 
 هل توافين ان يكون زوجك فاتمني لو قلتها بصوت يسمعه العالم كله فاجيب بنعم وعندما ننتهي يضع علي جبيني قبله ويحمر وجهي خجلا.

وفي يوم ما ساجد ان ما يفصلني عن فرحي ايام وانا متوترة في التجهيز للفستان وللحفل وللمعازيم وللتفاصيل التي هي اهم من الفرح نفسه.

وفي يوم ما ساجد نفسي في الفستان الابيض امسك بيده ساكون يومها جميله انا واثقة من ذلك فانا لا انسي كلمه صديقة لي حين قالت 

ليس هناك اجمل من العروس يوم فرحها يكون وجهي متهللا يسلمني ابي له 

ونفرح وسط الاصدقاء نرقص slow  حلم كل فتاه ووقتها ساعرف ماذا يقول العريس لعروسته هذا السؤال الذي جنن الملايين من البنات من اجل ان يحصلن علي الاجابه 

وفي يوم ما ساجد نفسي في بيته يعاملني كملكة يحنو علي سيكون بالطبع حنين كما تمنيته بالظبط 

وفي يوم ما ساجد ان حياتنا امتلات بالسعاده والاخبار الجميله والفرحة التي لا حدود لها وكل هذا اشاركه معه .

وفي يوم ساجد اني ام لاطفال تمنيتهم سيكونون كما تخيلتهم بالظبط                   

وهذه هي ثقتي بربي اثق انه لن يحرمني من هذا كله 

احلام اليقظة لم تنتهي بعد ومن الواضح ان هذه المدونة ستمل من كثرتها 

ولكن اكرر سجل يا تاريخ اليوم مزاجي عال العال ومبسسووووووطة جدا الحمد لله 

وراضية اويييييي وعندي امل بكرة يكون 

بالنسبالي احسن وحاسه ان حياتي هتتغير للافضل مش عاوزة اتكلم عن نفسي كتير :D

1-9-2013 كان يوم جمييييييل :)